İctimai Oferta müqaviləsi

askonalife.az internet mağazası ilə internet mağaza xidmətlərinin istifadəçisi arasında bağlanan hazırkı ictimai oferta müqaviləsi məhsulların və/və ya xidmətlərin askonalife.az internet-mağazasının saytı vasitəsilə alınması şərtlərini müəyyən edir. Hazırkı oferta müqaviləsi 11.06. 2024-cü il tarixdən qüvvədədir.

1.1. “AZ Sleep Market” Məhdud Məsuliyyətli Cəmiyyəti fiziki şəxslərin ünvanına ictimai müqavilə-oferta (təklif) hesab edilən hazırkı alqı-satqı müqaviləsini Azərbaycan Respublikasının Mülki Məcəlləsinin (bundan sonra - AR MM) 408-ci maddəsinə uyğun olaraq dərc edir.

1.2. Hazırkı ictimai oferta müqaviləsi (bundan sonra “Müqavilə və ya “Oferta” adlandırılacaq) “AZ Sleep Market” MMC (bundan sonra – “Satıcı”) ilə Ofertanı qəbul edən şəxs arasında Müqavilənin bütün əhəmiyyətli şərtlərini müəyyən edir.

1.3. Hazırkı Müqavilə Alıcı ilə Satıcı arasında sifarişin rəsmiləşdirildiyi zaman bağlanılır.

1.4. Oferta askonalife.az saytında yerləşən Satıcı tərəfindən satılan/təqdim edilən məhsul və/və ya xidmətləri Satıcı tərəfindən müəyyən edilmiş qiymətlərlə almaq niyyətində olan 18 yaşına çatmış istənilən fiziki şəxs tərəfindən Azərbaycan Respublikasının ərazisində aksept edilə (qəbul oluna) bilər.

1.5. Sifarişi rəsmiləşdirərək, Alıcı ümumilikdə ofertada qeyd olunan bütün şərtləri qeyd-şərtsiz (yəni tam həcmdə və istisnalarsız) qəbul edir, məhsulların qiymətləri, keçirilən aksiyalar, məhsulların çatdırılma müddətləri, zəmanət öhdəlikləri və tövsiyələr, məhsulun çatdırılması və saxlanması şərtləri ilə tanış olduğunu təsdiq edir, həmçinin internet saytında dərc edilmiş müvafiq sənəddə qeyd olunan şərtlər daxilində fərdi məlumatların toplanması və işlənilməsi üçün Satıcıya razılıq verir.

1.6. Hazırkı müqavilənin (yəni internet mağazanın ictimai ofertasının) şərtləri qəbul edildiyi təqdirdə, ofertanı aksept (qəbul) edən fiziki şəxs Alıcıya çevrilir.

1.7. Aksept - fiziki şəxsin Satıcının təklif etdiyi şərtlərlə məhsulu/xidmətləri almaq niyyəti barədə Satıcı tərəfindən məlumatın alınmasıdır.

1.8. Oferta, onun bütün əlavələri, həmçinin “AZ Sleep Market” MMC-nin məhsulları/xidmətləri barədə bütün məlumat askonalife.az saytında dərc edilmişdir.

2.1. İnternet-mağaza “AZ Sleep Market” MMC-nin mülkiyyətidir və məhsulların internet şəbəkəsi vasitəsilə distant satışının təşkili üçün nəzərdə tutulub.

2.2. Satıcı məhsulları nəzərdən keçirmək, sifarişi hesablamaq və rəsmiləşdirmək məqsədilə internet-mağaza resursundan istifadə etmək üçün Alıcıdan xüsusi hərəkətlər, məsələn, qeydiyyatdan keçməyi və ya internet-mağazanın resursundan istifadə etmək üçün müqavilə bağlanmasını tələb etmir.

2.3. Satıcı internet-mağazada sifariş rəsmiləşdirilərkən Alıcı tərəfindən təqdim edilən məlumatların məzmununa və düzgünlüyünə görə məsuliyyət daşımır.

3.1. Alıcı sifariş rəsmiləşdirilərkən təqdim etdiyi məlumatların düzgünlüyünə, həmçinin üçüncü şəxslər tərəfindən iddiaların olmamasına görə məsuliyyət daşıyır.

3.2. Alıcı sifarişi rəsmiləşdirərkən “İctimai müqavilənin-ofertanın şərtlərini qəbul edirəm” qrafasında işarə qormaqla hazırkı Müqavilə ilə müəyyən edilmiş şərtlərlə razılığını təsdiqləyir. Müqaviləni bağlamazdan əvvəl Alıcı Müqavilənin şərtlərini tam oxuyur, Müqavilənin bütün şərtləri aydındır və Alıcı Müqavilənin bütün şərtləri ilə razılaşır.

3.3. Məhsullara baxmaq və seçim etmək, həmçinin sifarişi rəsmiləşdirmək üçün internet-mağaza resursundan istifadə Alıcı üçün təmənnasızdır.

3.4. Məhsul Alıcı tərəfindən biznes fəaliyyəti ilə bağlı olmayan yalnız şəxsi, ailə və məişət ehtiyacları üçün alınır.

4.1. Satıcı, Alıcının sifarişləri əsasında məhsulu Satıcı tərəfindən Ofertada və onun əlavələrində müəyyən edilmiş şərtlərə və qiymətlərə uyğun olaraq Alıcıya satır.

4.2. Alıcının sifariş etdiyi və dəyəri ödənilən məhsulların çatdırılması Satıcı və ya Daşıyıcı tərəfindən ödənişli əsaslarla həyata keçirilir. Alıcı məhsulu Satıcının anbarından müstəqil surətdə götürmək (şəxsən götürmə) hüququna malikdir. Sifariş rəsmiləşdirilərkən Alıcıya çatdırılma üsulunu seçmək hüququ verilir.

4.3. Alıcı ilə Satıcı arasındakı münasibətlərə Azərbaycan Respublikasının Mülki Məcəlləsinin pərakəndə alqı-satqı haqqında müddəaları (§ 1, 29-cu fəsil), “İstehlakçıların hüquqlarının müdafiəsi haqqında” Azərbaycan Respublikasının Qanunu, habelə bu Qaydalara uyğun olaraq qəbul edilmiş digər normativ hüquqi aktlar. onları, tətbiq edin.

4.4. Satıcı Alıcının onun təklif etdiyi şərtlərlə malı almaq niyyəti barədə məlumat aldığı andan fiziki şəxs Ofertanın və ona əlavələrin bütün şərtlərini tam həcmdə və istisnasız olaraq qəbul etmiş sayılır (ofertanın qəbulu). Oferta qəbul olunduğu halda fiziki şəxs sifariş etdiyi məhsullar üçün Satıcı ilə alqı-satqı müqaviləsi bağlamış hesab olunur və Alıcı statusu əldə edir.

5.1. Alıcı - hazırkı ofertanın 4.4-cü bəndinə uyğun olaraq ofertanın şərtlərini tam həcmdə və istisnasız qəbul edən (ofertanı aksept edən) fiziki şəxs.

5.2. Satıcı – “AZ Sleep Market” Məhdud Məsuliyyətli Cəmiyyəti.

5.3. İnternet-mağaza – internet şəbəkəsində askonalife.az ünvanı olan, Satıcıya məxsus olan və Satıcı tərəfindən Alıcılara Satıcıya məxsus olan məhsulların ofertaya əsasən satışı üçün nəzərdə tutulan internet saytı.

5.4. Sayt - internet şəbəkəsində askonalife.az ünvanı olan internet saytı.

5.5. Kataloq – internet-mağazada yerləşdirilən məhsullar haqqında məlumat.

5.6. Məhsul - əmlak: Satıcı tərəfindən internet-mağazada satılan məişət mebelləri, o cümlədən döşəklər və/yaxud aksessuarlar və s.

5.7. Sifariş - Alıcının internet-mağazada yerləşdirilmiş məhsulları almaq qərarı.

5.8. Müqavilənin icra olunduğu yer - məhsulların Satıcı tərəfindən Alıcıya təhvil verilməsi üçün Alıcı tərəfindən göstərilən yer (ünvan) və ya Alıcı məhsulun Satıcı tərəfindən çatdırılmasından imtina etdikdə (şəxsən götürmə) Satıcının mağaza-salonu və ya anbarı, yaxud məhsul Daşıyıcı tərəfindən çatdırıldığı halda Alıcının müqavilə bağladığı daşıyıcının ərazisi.

5.9. Nümayəndə - bağlanmış Alqı-satqı müqaviləsi üzrə Məhsulun Satıcıdan alınması üçün Alıcıdan notariat qaydasında təsdiq edilmiş etibarnaməni, qəbzi və ya müqavilənin bağlanmasını göstərən digər sənədi təqdim etmiş fiziki şəxs.

5.10. Daşıyıcı - daşıma müqaviləsinə əsasən göndərən şəxsin ona həvalə etdiyi məhsulu göndərmə məntəqəsindən təyinat məntəqəsinə çatdırmaq, habelə məhsulu alan şəxsə təhvil vermək öhdəliyini öz üzərinə götürmüş hüquqi şəxs və ya fərdi sahibkardır. Daşıyıcı ilə daşıma müqaviləsi Alıcı tərəfindən müstəqil şəkildə bağlana bilər. Alıcının Daşıyıcısı Məhsulu aldıqdan sonra, sonuncu Alıcı ilə bağlanmış Daşıma müqaviləsinin surətini Satıcıya təqdim etməyi öhdəsinə götürür.

5.11. Tərəflər – birlikdə Alıcı və Satıcı.

6.1. Alıcı sifarişini müstəqil şəkildə internet-mağazanın saytında, yaxud saytda göstərilən telefonlarla menecer vasitəsilə Alqı-satqı müqaviləsinin şərtlərinə əsasən rəsmiləşdirə bilər.

6.2. İnternet-mağazada sifariş rəsmiləşdirilərkən Alıcı özü haqqında məlumatları təqdim etməlidir:

• Alıcının S.A.A. və FİN-i;
• Məhsulun çatdırılma ünvanı;
• Alıcının əlaqə telefonu və elektron poçtu;
• Alıcının Nümayəndəsinin S.A.A. və FİN-i, eləcə də Nümayəndənin adına notariat qaydasında təsdiq edilmiş etibarnamə əlavə edilməlidir;

6.3. Alıcının iradə ifadəsi onun tərəfindən internet-mağazada sifariş formasına müvafiq məlumatların daxil edilməsi və ya internet-mağazanın meneceri və ya elektron poçt vasitəsilə ərizənin təqdim edilməsi yolu ilə həyata keçirilir.

6.4. Satıcı internet-mağazada Alıcı haqqında məlumatı redaktə etmir.

6.5. Alqı-satqı müqaviləsinin kağız nüsxəsini almaq üçün Alıcı internet saytında göstərilən elektron poçt və ya telefon nömrəsinə ərizə göndərir.

7.1. Məhsul internet saytında Satıcının mülkiyyətində olan foto-nümunələr vasitəsilə təqdim olunur.

7.2. Hər bir foto-nümunə mətn formasında məlumatlarla müşayiət olunur: məhsulun adı, ölçü diapazonu (lazım olduqda), qiyməti və təsviri.

7.3. İnternet-mağazada təqdim olunan bütün məlumat materialları yalnız informativ xarakter daşıyır. Alıcının məhsulun xassələri və xüsusiyyətləri ilə bağlı hər hansı sualı yarandığı halda, Alıcı sifariş verməzdən əvvəl internet saytında göstərilən telefon nömrələri ilə Satıcı ilə əlaqə saxlamalıdır.

7.4. Alıcının xahişi ilə internet-mağazanın meneceri Alıcının məhsulu almaq barədə qərar qəbul etməsi üçün onun nöqteyi-nəzərindən zəruri və kifayət hesab etdiyi digər məlumatları (telefon və ya electron poçt vasitəsilə) təqdim etməyə borcludur.

7.5. Alıcıya xəbərdarlıq edilir ki, məhsulu onun çatışmazlıqları (qüsurları) ilə əlaqədar müəyyən edilmiş endirimlə (endirimli məhsul) almaqla o, gələcəkdə həmin qüsurlara istinad etmək hüququndan məhrum edilir.

7.6. Alıcıya Satıcı tərəfindən bildirilir ki, hesabda ayrı-ayrı pozisiyalarda göstərilən məhsul heç bir halda dəst deyil.

8.1. Alıcı internet-mağazada təqdim olunan istənilən məhsulu sifariş etmək hüququna malikdir. Hər bir məhsul istənilən miqdarda sifariş edilə bilər. Bu qaydadan istisnalar hər bir məhsulun təsvirində aksiyaların keçirilməsi, məhsulun satışdan çıxarılması və s. ilə bağlı qeyd edilir.

8.2. Sifariş Alıcı tərəfindən internet saytında qeyd olunan nömrələrə zəng etməklə və ya müstəqil olaraq internet saytında rəsmiləşdirilə bilər. Veb sayt vasitəsilə sifarişin rəsmiləşdirilməsinin təfərrüatları “Sifarişi necə rəsmiləşdirmək” bölməsində təsvir edilmişdir.

8.3. Sifariş rəsmiləşdirildikdən sonra Satıcı Alıcının elektron poçtuna seçilmiş məhsulun adını, ölçüsünü, qiymətini və sifarişin ümumi məbləğini göstərməklə, sifarişin qəbul olunduğunu təsdiq edən məlumat göndərərək Alıcının sifarişini təsdiq edir və ya internet-mağazanın meneceri Alıcı ilə telefon vasitəsilə əlaqə saxlayır.

8.4. Anbarda məhsul olmadığı halda, internet-mağazanın meneceri bu barədə Alıcıya məlumat verməyə borcludur (telefon və ya elektron poçt vasitəsilə).

8.5. Alıcı müvəqqəti olaraq anbarda olmayan məhsullar üçün əvvəlcədən sifariş vermək hüququna malikdir.

8.6. Əgər məhsul mövcud deyilsə, Alıcı onu başqa məhsulla əvəz etmək və ya sifarişi ləğv etmək hüququna malikdir.

8.7. Məhsulun çatdırılma müddəti Satıcının veb saytında "Məhsulun çatdırılma müddəti" bölmələrində göstərilir və Satıcı Məhsul üçün 100% ilkin ödəniş aldıqdan sonra növbəti gün hesablanmağa başlayır. Məhsul Alıcıya vaxtından əvvəl çatdırıla bilər.

9.1. İnternet mağazada məhsulun qiyməti məhsulun vahidi üçün manatla göstərilib. Məhsulun qiymətinə məhsulun Alıcıya çatdırılması və Satıcının digər xidmətləri daxil deyil.

9.2. Internet-mağazanın saytında göstərilən məhsulun qiyməti Satıcı tərəfindən birtərəfli qaydada dəyişdirilə bilər, bu zaman Alıcının sifariş etdiyi və ödədiyi məhsulun qiyməti dəyişdirilə bilməz.

9.3. Sifarişin ümumi dəyəri məhsulun kataloq qiymətindən (məhsulun yekun dəyərindən və ya məhsulun bütün zəruri tərkib hissələrinin (qaldırma mexanizmli çarpayı, döşəkli divan) dəyərinin cəmindən formalaşır), kataloq qiyməti saytda göstərilib), çatdırılma dəyərindən və mərtəbəyə qaldırma dəyərindən ibarətdir.

9.4. İnternet-mağazada məhsulun alışı zamanı Satıcı tərəfindən Alıcıya göstərilən xidmətlərin dəyəri “Malların çatdırılması, saxlanması və yığılması üzrə xidmətlərin göstərilməsi şərtləri” bölməsində göstərilir.

9.5. Satıcı Aksiyaların və Xüsusi təkliflərin şərtlərinə uyğun olaraq Alıcılara əlavə endirimlər təqdim etmək hüququnu özündə saxlayır. Alıcı həmin şərtlərlə saytda “Aksiyalar” bölməsində tanış ola bilər.

9.6. Məhsula əlavə endirim Alıcının Məhsulu səbətə əlavə etməsi və Əlavə endirimin təqdim edilməsi müddətinin bitdiyi gündən 3 (üç) təqvim günü ərzində seçilmiş Məhsula görə qismən və ya tam ödəniş etməsi şərti ilə saxlanılır. Göstərilən müddət bitdikdən sonra Səbətə əlavə edilən Məhsula əlavə endirim ləğv ediləcək”.

10.1. Məhsulun ödənilməsi üsulları və qaydası internet saytında “Malların çatdırılması, saxlanması və yığılması üzrə xidmətlərin göstərilməsi şərtləri” bölməsində göstərilmişdir. Zəruri hallarda, sifariş edilmiş məhsulun ödənilməsi qaydası və şərtləri Alıcı tərəfindən internet-mağazanın meneceri ilə razılaşdırılır.

10.2. Mala görə ödəniş 50% ilkin avans ödənişi ilə həyaha keçirilir.

Qalan 50% məbləğ Alıcı tərəfindən çatdırılma tarixinə ən geci 1 (bir) iş günü qalmış ödənilir.

Nağdsız hesablaşma yolu ilə ödəniş hesab-fakturaya əsasən üç bank günü ərzində həyata keçirilir. Satıcının hesabına vəsait daxil olduqdan sonra internet-mağazanın meneceri Alıcı ilə məhsulun təchizat müddəti çərçivəsində çatdırılma tarixini razılaşdırır. Nağdsız ödəniş zamanı Alıcının məhsulun qiymətini ödəmək öhdəliyi Satıcı tərəfindən göstərilmiş hesablaşma hesabına müvafiq vəsaitin mədaxil edildiyi andan yerinə yetirilmiş hesab olunur. Nağdsız ödəniş zamanı Alıcının məhsulun qiymətini ödəmək öhdəliyi Satıcı tərəfindən göstərilmiş hesablaşma hesabına müvafiq vəsaitin mədaxil edildiyi andan yerinə yetirilmiş hesab olunur.

10.3. Alıcı internet-mağazada seçdiyi istənilən üsuldan istifadə edərək sifarişi ödəyir.

10.4. Sifarişin ödənilməsi zamanı Tərəflər arasında hesablaşmalar manatla həyata keçirilir.

10.5. Alıcı Məhsulun dəyərinin ödənişi zamanı üçüncü şəxsin bank kartından və sonuncunun razılığı olmadan istifadə etdiyi halda Kart sahibinin iddialarına görə bütün/istənilən məsuliyyəti öz üzərinə götürür və Alıcının bu şərtləri pozması nəticəsində Satıcıya dəymiş zərəri tam həcmdə ödəməyi öhdəsinə götürür. Məhsul üçün ödəniş zamanı istifadə edilən kartın Sahibi ilə yaranan bütün/hər hansı mübahisələr Alıcı tərəfindən müstəqil şəkildə həll edilir.

11.1. Məhsulun çatdırılması üsulları və qaydası internet saytında “Malların çatdırılması, saxlanması və yığılması üzrə xidmətlərin göstərilməsi şərtləri” bölməsində göstərilmişdir. Sifariş edilən məhsulun çatdırılması qaydası və şərtləri Alıcı tərəfindən internet-mağazanın meneceri ilə razılaşdırılır.

11.2. Məhsulun şəxsən götürülməsi:

11.2.1. Satıcı, verilmiş sifariş barədə bildiriş aldıqdan sonra, Alıcının telefonu və ya elektron poçtu vasitəsilə bildirişin alındığını təsdiqləyir və məhsulun götürülmə tarixini onunla razılaşdırır.

11.2.2. Alıcı sifarişi Satıcının anbarının yerləşdiyi yerdə alır. Anbarların ünvanları, əlaqə nömrələri və iş saatları barədə məlumat internet-mağazanın menecerlərindən əldə edilə bilər. Satıcı əlavə olaraq telefon və ya elektron poçt vasitəsilə sifariş üçün ödənişin Satıcının hesablaşma hesabına köçürüldüyünü təsdiq edir və yalnız bundan sonra məhsulun götürülmə tarixini Alıcı ilə razılaşdırır.

11.2.3. Məhsul üzərində mülkiyyət hüququ və məhsulun təsadüfən məhv olması, itirilməsi və ya zədələnməsi riski məhsulun Alıcıya və ya onun Nümayəndəsinə təhvil verildiyi andan etibarən Alıcıya keçir.

11.3.1. Mülkiyyət hüququ və məhsulun təsadüfən məhv olması, itirilməsi və ya zədələnməsi riski məhsulun Alıcıya və ya Nümayəndəyə təhvil verildiyi andan etibarən Alıcıya keçir.

11.4. Daşıyıcı tərəfindən məhsulun çatdırılması:

11.4.1. Tərəflər əmtəə qaiməsini və/və ya nəqliyyat qaiməsini və/və ya əmtəə-nəqliyyat qaiməsini və ya məhsulun Daşıyıcıya təhvil verilməsini təsdiq edən digər sənədi imzalayaraq məhsulun Daşıyıcıya təhvil verildiyi andan Məhsul üzərində mülkiyyət hüququ və məhsulun təsadüfən məhv olması, itirilməsi və ya zədələnməsi riski Satıcıdan Alıcıya və ya Daşıyıcıya keçir (Alıcı ilə Daşıyıcı arasında bağlanmış müqaviləyə uyğun olaraq).

11.4.2. 11.4.1.-ci bənd də daxil olmaqla, məhsulun Alıcıya verilməsi öhdəliyi məhsulun Daşıyıcıya təhvil verildiyi andan yerinə yetirilmiş hesab olunur.

11.4.3. Hər bir sifariş daxilində məhsulun çatdırılma dəyəri bütün sifariş edilmiş məhsulların çəkisinə, sifarişin çatdırılma ünvanına, daşıyıcının tariflərinə əsasən hesablanır və Alıcı tərəfindən müstəqil olaraq Daşıyıcıya ödənilir. Çatdırılma xərcləri məhsulun qiymətinə daxil deyil.

11.5. Alıcı məhsulun qəbulu zamanı kəmiyyət və çeşid üzrə qəbul etməyə borcludur.

11.6. Alıcı və ya Nümayəndə məhsulu təhvil alarkən Satıcının və ya Daşıyıcının nümayəndəsinin iştirakı ilə qəbul edilmiş məhsulun adına, miqdarına, çeşidinə, keyfiyyətinə və sifariş edilmiş komplektasiyaya tam uyğunluğunu yoxlamalıdır.

11.7. Məhsulu qəbul edərkən Alıcı və ya Nümayəndə məhsulun xarici görünüşünə və komplektliyinə dair heç bir şikayətinin olmadığını məhsulun qəbulu haqqında sənəddə öz imzası ilə təsdiq edir.

11.8. Çatdırılma zamanı ödəniş üsulu seçildiyi halda və Məhsulun çatdırılması və/və ya qəbulu zamanı ödənişin həyata keçirilməsindən imtina edildikdə, Məhsul Alıcıya təhvil verilmir və bu halda Alıcı hər iki istiqamətdə (müştəriyə və geriyə Satıcıya) çatdırılmanın dəyərini ödəməyi öhdəsinə götürür. Təkrar çatdırılma təkrar ödənişdən sonra həyata keçirilir.

11.9. Məhsul Alıcı tərəfindən götürülərkən Alıcının nümayəndəsi (kuryer) Alıcının adından Məhsulu təhvil almaq/Məhsulu təhvil alarkən sənədləri imzalamaq hüququ göstərilməklə, Alıcının Məhsulunu təhvil almaq səlahiyyətini təsdiq etmək üçün Alıcı tərəfindən verilmiş notariat qaydasında təsdiq edilmiş etibarnaməni Satıcıya təqdim etməyə borcludur. Bu tələb yerinə yetirilmədikdə, kuryer lazımi qaydada rəsmiləşdirilmiş etibarnaməni təqdim edənə qədər Satıcı Məhsulu təhvil verməmək hüququnu özündə saxlayır.

12.1. Məhsulun istismarına zəmanət müddəti istehsalçı tərəfindən müəyyən edilir. Zəmanət müddəti məhsulun etiketində göstərilir. Əlavə zəmanət öhdəlikləri saytda “Zəmanət öhdəlikləri” bölməsində göstərilmişdir.

13.1. Müştəri “İstehlakçıların hüquqlarının müdafiəsi haqqında” Azərbaycan Respublikasının Qanununda nəzərdə tutulmuş qaydada və şərtlərlə lazımi keyfiyyətə malik olmayan məhsuldan imtina etmək hüququna malikdir.

13.2. Lazımi keyfiyyətə malik olmayan məhsulun geri qaytarılması onun əmtəə görünüşü, istehlak xassələri, möhürlər, etiketlər, habelə məhsulun alınması faktını təsdiq edən sənəd qorunub saxlanıldıqda mümkündür.

13.3. “İstehlakçıların hüquqlarının müdafiəsi haqqında” Azərbaycan Respublikası Qanununun 7-ci maddəsinin 10-cu bəndinə əsasən, satıcı, istehsalçı (onların funksiyalarını yerinə yetirən müəssisə) məhsulun qüsurlarının istehlakçı tərəfindən məhsuldan istifadə və ya saxlanma qaydalarının pozulması, üçüncü şəxslərin hərəkətləri və ya təbii fəlakət nəticəsində yarandığını sübut etdikdə, istehlakçının a) lazımi keyfiyyətə malik olmayan məhsulun müvafiq keyfiyyətli məhsulla əvəz edilməsi; b) lazımi keyfiyyətə malik olmayan məhsulun alış qiymətinin mütənasib şəkildə aşağı salınması; c) məhsulda olan qüsurların istehsalçının (satıcının, istehlakçının) hesabına aradan qaldırılması və ya onların düzəldilməsi üçün çəkilən xərclərin istehlakçı və ya üçüncü şəxs tərəfindən ödənilməsi; ç) dəyərinin yenidən hesablanması şərti ilə lazımi keyfiyyətə malik olmayan məhsulun fərqli modelli (marka, növ və s.) eyni məhsul ilə əvəz edilməsi; e) müqaviləyə xitam verilməsi və onun vurduğu zərərin ödənilməsi ilə bağlı tələbləri təmin edilmir.

13.4. Qanunla və bu Müqavilədə nəzərdə tutulmuş hallarda məhsulun geri qaytarılması saytda “Mağazalar” bölməsində göstərilən ünvanlar üzrə həyata keçirilir.

13.5. Qanunvericilikdə nəzərdə tutulmuş əsaslarla Məhsul geri qaytarıldıqda, Satıcı, geri qaytarılmış məhsulun Alıcıdan çatdırılması üçün Satıcının xərcləri istisna olmaqla, müqaviləyə uyğun olaraq ödənilmiş məbləği geri qaytarılan Məhsulun Satıcı tərəfindən alındığı tarixdən 5 (beş) iş günündən gec olmayaraq, qüsurun təsdiqlənməsi şərti ilə, keyfiyyətli Məhsulun geri qaytarılması hallarında isə Alıcının qaytarılmış Məhsula dair tələblərə əməl etməsi şərti ilə Alıcıya qaytarır.

13.6. Alıcı etiraz etmir və razılaşır ki, pul vəsaitinin qaytarılması Alıcının təqdim etdiyi rekvizitlərdən istifadə etməklə bank hesabına köçürmə yolu ilə həyata keçiriləcək. Alıcı rekvizitləri təqdim etmədikdə, Satıcı pul vəsaitini qaytarmaq öhdəliyini pozmuş hesab edilmir.

13.7. Hazırkı Müqavilə ilə müəyyən edilmiş pul vəsaitinin qaytarılması üsulu Satıcı tərəfindən bu müqavilədə və Azərbaycan Respublikasının qanunvericiliyində nəzərdə tutulmuş vəsaitin qaytarılması üzrə digər hallarda da istifadə edilə bilər.

13.8. “İstehlakçıların hüquqlarının müdafiəsi haqqında” Azərbaycan Respublikası Qanununun 15-ci maddəsinə əsasən, lazımi keyfiyyətli qeyri-qida malı öz formasına, ölçüsünə, fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçının onu alındığı yerdə uyğun mala dəyişdirmək hüququ vardır. Keyfiyyətli Məhsulların dəyişdirilməsi alış günü hesaba alınmadan 14 gün ərzində həyata keçirilir. Lazımi keyfiyyətə malik olmayan məhsul istifadə olunmadıqda və onun əmtəə görünüşü, istehlak xassələri, möhürləri, etiketləri, habelə satılan məhsulla birlikdə istehlakçıya verilmiş satış və ya kassa çeki və ya digər sənədləri qorunub saxlandıqda həmin məhsulun mübadiləsi həyata keçirilir.

13.9. Alıcı, qanunla nəzərdə tutulmuş mübadilə hallarında lazımi keyfiyyətdə olmayan Məhsulu Satıcıya göndərməzdən əvvəl, digər sənədlərlə yanaşı, Satıcıya Məhsulun hər tərəfdən aydın çəkilmiş fotoşəkillərini göndərməli, sonra isə müstəqil olaraq Məhsulu onun daşınması zamanı qorunmasını təmin edən nəqletmə bağlamasına (karton) qablaşdırmalıdır, bundan sonra isə Məhsulun qablaşdırılmış şəkildə aydın çəkilmiş fotoşəkillərini göndərməlidir. Alıcı göstərilən şərtlərə əməl etmədikdə və Məhsulun Alıcıdan Satıcıya çatdırılması zamanı hər hansı zədələnmə ilə əlaqədar olaraq, Alıcı Satıcının zədələnmiş/çirklənmiş görünüşü olan Məhsulu qəbul etməkdən imtina etməsi ilə bağlı bütün riskləri öz üzərinə götürür və zədələnmiş Məhsulun onun olduğu yerdən çıxarılmasını öhdəsinə götürür.

14.1. Alici ilə Satıcı arasında münasibətlərə Azərbaycan Respublikasının qanunvericiliyi tətbiq edilir.

14.2. Zəruri hallarda Satıcı və Alıcı istənilən vaxt hazırkı ofertanın müddəalarına zidd olmayan yazılı ikitərəfli saziş şəklində məhsulun alqı-satqısı müqaviləsini rəsmiləşdirmək hüququna malikdirlər.

14.3. Alıcı tərəfindən suallar və iddialar meydana çıxdığı zaman o, +994 55 300 73 99 nömrəli telefon vasitəsilə (Bakı vaxtı ilə saat 09:00-dan 18:00-dək) və ya [email protected] elektron poçtu ilə müraciət etməlidir.

14.4. Hazırkı müqavilə Alıcı tərəfindən bu oferta qəbul etdiyi tarixdən qüvvəyə minir və Tərəflər öz öhdəliklərini tam yerinə yetirənə qədər etibarlıdır.

14.5. Satıcı internet-mağazanın veb saytında məhsul təklifini genişləndirmək və azaltmaq, hər hansı bir məhsulun alınması imkanını tənzimləmək, həmçinin öz mülahizəsinə uyğun olaraq hər hansı məhsulun satışını müvəqqəti dayandırmaq və ya ləğv etmək hüququnu özündə saxlayır.